Социјалдемократски Сојуз на Македонија - ОО Битола

ВЛАСТА ГИ УДРИ МАЛИТЕ ФИРМИ СО НОВИ ДАВАЧКИ

vasko

Прес конференција, СДСМ
Васко Ковачевски, претседател на ОО СДСМ Битола
Скопје, 30.07.2014 год.

Почитувани,

Директен удар врз малите и микро претпријатија се измените што ги прави власта на Законот за ДДВ.

Со овие измени, даночни обврзници стануваат и малите дуќанчиња, за храна, текстил, берберници,автоперални, вулканизери. Тие што едвај успеваат да се одржат во живот и да обезбедат една до две плати.

Целта е јасна. Буџетот е празен, мора да се полни.

Ако претходно даночни обврзници беа фирми со промет над 2.000.000 денари, сега данок ќе плаќаат и фирмите со промет под досегашниот лимит.

Потегот е немилосрден.

Ова значи дека власта ќе зема од егзистенцијата на најчувствителната категорија стопански субјекти, малите фирми, фирми – човек! Таму каде што не станува збор за профити, туку за преживување.

-Каде во изборната програма на ВМРО-ДПМНЕ стои дека власта на Груевски ќе спроведе вакво решение и ќе воведува данок и за малите фирми?

-Како, со ваквиот закон, малите и микро претпријатија ќе бидат во можност да опстанат, а не пак да размислуваат за проширување на своите дејности и отворање нови работни места?

-Или е важно само бизнисите на фамилијата да функционираат во оваа држава?

Измените на Законот за ДДВ се уште едно, во низата изненадувања за граѓаните, по зголемената цена на електричната енергија, покачувањата на повеќе основни прехрамбени производи, воведените даноци за хонорарните работници, поскапувањата на патарините, регистрациите на возилата.

Дојде моментот да се плати цехот за расипничкиот начин на 8-годишното владеење на Груевски.

За жал, на сметка на стопанството и на семејните буџети на граѓаните.

   

ДОКУМЕНТ ОТКРИВА ИНСТИТУЦИОНАЛНИ ПРОПУСТИ ЗА БАКТЕРИЈАТА, ТОДОРОВ СО КРИВИЧНАТА ПОКРИВА?

Cakar

Прес конференција, СДСМ
Гоце Чакароски, член на Централниот одбор
Битола, 26.07.2014 год.

Дали најавата од министерот за здравство за кривична пријава против непознат сторител, за последиците од бактеријата листерија, е панична ограда од пропусти кај надлежните државни институции?

Дали можеби има задоцнување во реакцијата на надлежните од појавувањето на првиот случај?

4 жртви од бактеријата, како што се тврди, навистина е аларм.

Но зошто се молчело, по првиот случај со смртоносни последици?

Оттогаш се поминати месец и половина, коишто однесоа уште 3 човечки животи, меѓу кои и на новороденче.

Кој се знаел што се случува?

Овие прашања ги отвора оваа Информација за пријавени заразни заболувања со докажан причинител Listeria, во периодот јуни – јули.

 Подготвена е од Секторот за превенција и контрола на заразните заболувања, Одделение за следење и надзор над заразните болести.

 Од Информацијата произлегува дека се почнува со еден случај во март, еден во мај, а зголемување на бројот на заболени е регистрирано од 1 јуни.

 Во Информацијата стои дека Институтот за јавно здравје алармирал на невообичаено голем број докази, за присутност на бактеријата во случаи со смртоносни последици, во краток временски период.

 Не е наведено кога и кого алармирал, и дали и кој требало да реагира.

 Но Комисијата за заразни болести се состанала на 10-ти јули и тогаш, тоа значи пред повеќе од две недели, се донесени заклучоци. 

 Токму тие заклучоци упатуваат на сомнеж за затајување на надлежноста на институциите.

Во заклучоците е констатирана „висока стапка на смртност“ од бактеријата!

Се бара: будност, засилување на мерките за безбедност на храна, СПРОВЕДУВАЊЕ КОНТИНУИРАНА КОНТРОЛА за хигиената во производството и вереринарната пракса.

Се препорачува „НАДЛЕЖНИТЕ СЛУЖБИ ОСОБЕНО да ја зајакнат контролата врз производството и преработката на храна во месната и млечната индустрија и контрола на трговијата со овие производи“. ГРАНИЧНИТЕ ИНСПЕКЦИСКИ СЛУЖБИ ДА ЈА ЗАЈАКНАТ КОНТРОЛАТА НА ХРАНА ОД УВОЗ...

Кои се институциите до коишто бил испратен овој документ и дали е постапено по него?

Дури завчера излегоа препораките од Министерството за здравство како да се однесуваат граѓаните кон храната!

Дури вчера Никола Тодоров најави теренски активности на службите. Само два дена претходно директорот на Агенцијата за храна и ветеринарство даде изјава во којашто рече дека фирмите сами носеле мостри за анализи.

СДСМ изразува загриженост за начинот на реагирање на повиканите органи за вакви ситуации.

Бараме одговори и одговорност од државните институции, наместо формални најави за кривични пријави, кон непознат сторител.

 

 

 

   

Изјава Васко Ковачевски 26.07.2014

foto 26-072014

Изјава, Васко Ковачевски

26.07.2014, Битола

Делегација на Коалицијата „Сојуз за иднината„ во состав Васко Ковачевски – СДСМ, Јулијана Силјановска – СДСМ и Горан Милевски – ЛДП, денес положи свежо цвеќе на спомен обележјата на Крсте Петков Мисирков и Мирка Гинова. Во оваа пригода, изјава за медиумите даде Претседателот на ОО СДСМ Битола, Васко Ковачевски.

 „На денешен ден пред 68 години беше стрелана Мирка Гинова. Таа беше еден од најсветлите ликови во Македонската националноослободителната борба. Со оглед дека на денешен ден се навршуваат и 88 години од смртта на најголемиот македонски културно-национален деец Крсте Петков Мисирков, ние од Социјалдемократскиот сојуз на Македонија и коалицијата, во оваа пригода изразуваме пиетет кон ликовите и делата на двајцата великани кои водат потекло од Егејскиот дел на Македонија.

 Истовремено, изразуваме длабоко жалење што од оваа година престанува да се одржува традиционалната таканаречената „Егејска средба“ во селото Трново! Укинувањето на средбата, под притисок на власта и Градоначалникот на Битола, го сметаме за срамен акт, кој е спротивен на македонските национални интереси. Се прашуваме, дали ова е обид да се стави под тепих „егејското прашање“, со кое во изминатите години власта собираше политички поени. Наспроти сето тоа, ние кога ќе бидеме во можност, ќе се обидеме да ја вратиме оваа македонска патриотска манифестација!„

 

   

БИТОЛА САКА СТАДИОН!

Прес конференција 30.06.2014

Горан Козаров, Советник во Општина Битола

Lavce

Деновиве сме сведоци на една масовна граѓанска акција на социјалните мрежи, во која познати спортисти, спортски работници како и други видни личности повикуваат: САКАМЕ СТАДИОН ВО БИТОЛА!

И ние како опозиција се вклучуваме во оваа акција, со напомена дека не сакаме да ја политизираме, но едно не може и не смее да се заборави – изградбата на стадион во Битола ја ветуваше политичар, првиот човек на градот Градоначалникот Владимир Талески.

Ветуваше развој на спортот и спортски клубови со европски квалитети, велејќи дека Битола ќе биде најспортски град.

Тоа беа негови ветувања пред сите избори наназад. Но денес, со жалење можеме да констатираме дека тоа беше само дел од неговите лаги пред сите избори.

Го повикуваме Градоначалникот Талески утре да присуствува на седницата на Советот на Општината Битола, и да образложи:

- Зошто Битола сеуште нема стадион?

- Зошто пропадна продажбата на Фудбалскиот клуб „Пелистер„?

- Зошто Кошаркарскиот клуб „Пелистер„ испадна од Прва лига, и зошто Ракометниот клуб „Пелистер„ се наоѓа пред колапс?

Патем, ги повикуваме и сите спортисти, спортски работници, вљубеници во спортот и навивачи, утре да присуствуваат на седницата на Советот и изворно да слушнат од најповиканиот, Градоначалникот Талески зошто спортот и спортските објекти во Битола се распаѓаат и кога ќе заврши оваа голгота.

   

ДПМНЕ ќе направи се, само нас да не внесе во парламентот!

Изјава, 20.05.2014

Васко Ковачевски, претседател на О.О СДСМ Битола

vs 

Денес на виделина излезе уште еднаш насилното владеење на ВМРО – ДПМНЕ и оваа власт. Првиот чекор го направи Собранието на Р.М со насилното верифицирање на мандатите на избраните кандидати за пратеници од опозицијата и покрај нашата јасно изразена волја заверена преку изјава на нотар  дека вакви мандати на вакви нефер и недемкротаски избори ние не прифаќаме. Вториот чекот го направи денес  советот на Општина Битола, односно владеачкото мнозинство, кое не прифати одлагање на оваа седница за четири дека, кога се очекува и одлуката на Управниот суд во врска со нашите поднесени тужби против собранието на Р.М за насилно верификуваните мандати и барање на ставање на времена мерка за правните последици кои што произлегуваат од таквата верификација. Очигледно е дека власта на ДПМНЕ се ќе направи само насилно да не направи нас опозиционерите пратеници во овај парламент, иако тоа ние не го прифаќаме. Очекуваме Управниот суд  да согласно позитивните законски прописи да донеси правична одлука  и да овие одлуки досегашни и на советот на Општина Битола и на собранието на Р.М ги стави во мирување. 

   

Страница 1 од 125

Иднината Сега!

Sredna klasa

Facebook

Корисничко мени